Fridrix Nitsşenin "Tənha" şeiri Cəlil CAVANŞİRin tərcüməsində

 Qarıldaşan qarğalar,

Uçuşurlar şəhərə.

Hardasa yağacaq qar

Nə xoşbəxtdir deyirəm,

Evli bəxtəvərlərə…

Yerində donub qaldın,

Gözlərin də arxada.

Boşuna qaçırsan sən,

Bu qışdan uzaqlara.

Çöllər dilsiz və soyuq

Dünya açılan qapı

Sənin tək müflislərin,

Girdabdadır əzabı.

Sən də solğunlaşmısan,

Qış  qürbəttək  yamandır.

Soyuq – göy  qatlarına

Yüksələn bir dumandır.

Uç get, söylə nəğməni

Tənha çöl quşlarıtək

Gizlət sən öz qəlbini

Buza, qara bükərək.

Qarıldaşan qarğalar

Uçuşurlar şəhərə.

Hardasa yağacaq qar.

Yenə əzab çəkəcək.

Yersiz, yurdsuz yazıqlar.